Uljhi Ansuljhi Si Baat

Mujhe yaad hai kuch uljhi ansuljhi si baat
Woh shayad ha wahi gum ki raat

Meri aankhein num thi
Uski hansi bhi udaas thi
Usne dekha mujhe k shayad sawaalo ka ek pulinda tha uske mann mein
Mere bhi mann mein jawaab they per kuch jawaabo ki mujhe bhi aas thi

Ek shikan jo uske chere per chhayi thi
K kuch rosh; mai bhi dil mein dabaye thi
Koi puch k toh dekhe aaj mujhse
Jaane kitne roker gila karu mai us'se

Kuch dukh tere dil mein bhi chhipa lagta hai
Per nhi jaanti kya? mann ki jaanne k liye mann bhi bin mila sa lagta hai
Dil tootne ki aawaaz nhi hoti
Per her ghutan cheekhna chahti hai

Kahi dekh sapno mein unko apna
K dil jhoom uth'ta hai
Phir achanak ro deta hai dukh se
K aise sapne bhi kyu aati hai mujhko; jo sach nhi ho sakte

Wo sawaal ab tak mujh tak pahutchey nhi hai
Kya jawaab dun usey, k mann ki jaanne k liye mann juda he nahi hai.....

Aukaat

Aasma or jami ki jung ho rahi thi
Aasma bhi tha kuch gumaan mei
Jaane dharti per kiye kaise ahsaan mei
Bola woh kuch chillaata hua
Apne per yuhi ithlaata hua
Bata teri aukaat kya hai,tu aaj bhi wahi hai
Duniya chhoney aasma chali hai

Bata tujhe puchta kon hai
Mai jo paani na barsaaoo toh kaise shithil pad jaati hai tu
Jo suraj-taare na chamkaaoo toh kaise doob jaati hai tu
Bata tera wajood kya hai jo tu mujhse yuh bhidne chali hai

Tujh per haryaali failaaoo main
Pawan k jhokon se tujhe harshaau main

Dharti sab sunti rahi or aasma yuhi ithlaata raha
Dheere-2 woh shaant hua
Fir holey se dharti boli
Ek baat bataega ae aasma tu
Tu mera wajood puchta hai kyu?

Agar mai na hoti toh tere suraj-taare, baadal-barsaat,hariyaali, pawan k jhokein
Kya koi aastitva hota inka
Isliye mai maa hoon jo apne bachchon ko yeh sab sehker paalti hu
Or tu wahi pita hai jo un per aise he drishti rakhta hai

Per yeh na bhool tu beshak mujhse bada hai
Mujhse jyada shaktishaali hai
Per yeh duniya aaj bhi pita se jyada maa ko pujnewaali hai...........

Dhamaake Ki Cheekh

Kabhi-2 kuch baatein yaad aati hai
Chere per ek nayi muskaan chhod jaati hai
Us pal woh hasna woh gud-gudaana yaad aata hai
Yaad aata hai woh her lamha dil jisey bhool nhi pata hai

Fir ek din un sapno ka saath chhooth jaata hai
Jaane kitne apno ka haath chhooth jaata hai
Waha fir tanhaaiyon or gumo ka basera hota hai
Ek ujle kamre mei chhaaya barbas andhera hota hai

Fir koi khushi nhi hoti waha
Bas ek mon si cheekh hoti hai
Ek dum ghut'ti si zindgi hoti hai
Saans mei saans judti hai or aakhri saans per ka her saans per pehra hota hai

Mai yeh nahi kehti k dum ghut kyu nahi jaata
Waqt kyu nahi tham jaata wahan
Jahan khushiyon ka sehra hota hai
Per yeh mumkin nahi,mumkin nahi waqt ko rok paana

Kisi ki cheekh nahi sunta koi shayad aaj ka aadmi behra ho gaya hai

Ahsaas

Jab chhoot'ti nhi haathon ki lakeerien
Toh bhala kismat kya saath degi mera
Her kadam per bas dhoka hai
Or kyu her dhoka khaane k liye kismat ney bhi bas naam likha hai mera

Ek tapan hai jo ki din raat bhadti jaati hai
Log isey meri zindgi kehte hai
Her na-umeedi per kyu woh mujhse aas lagate hai
Ta-umra kaid mili hai mujhko or woh mujhi se aazaadi maang jaate hai

Koi daal de us patther k but mei jaan
Toh shayad woh bhi mera ahsaas jaan paaega
Ya ker de mujhe bhi is zindgi se door
Kyuki mere ahsaas khatam nhi hote yeh woh meri jaan jaate-2 he jaan paaega

Jin aankho mei aaj paani hai usme kuch sapne baste the
Kuch khwaahishon ki tarange or kuch jazbaat the
Aaj sirf paani hai k yeh sookh he nhi pata
Humesha num rehti hai per ab sapne nhi dekhti,shikayat nhi kerti

Per kuch lakeerien hai or wahi kismat ab bhi hai
Aankhein ab bhi num hai or kuch nhi hai toh mere jazbaat or mere ahsaas....

Aandhi

Kitne achhe lagte hai na yeh neela aasmaan
Yeh thandi hawaaien
Yeh kaale baadal fir rim-jhim boondey
Or un boondon ki patton per padnewaali her aawaaz
Sach kitni achhi lagti hai yeh paidon ki hari-bhari daaliyan

Per fir yaad aati hai woh her baar.........
Kaaley baadlo mein chamkti bijliya
Mausam ki karwat or tej aandhiyon ka chalna
Woh tinko se bana mera ghar
Sach fir uska deh jaana yaad aata hai
Aandhiyon se mere pankhon ka toot jaana yaad aata hai
Sach bahut yaad aati hai mujhe apne mein samaati woh geeley pankhon ki kampann
Ab dara deti hai yeh aandiyan mujhko
Kyuki bina pankhon k jeena koi jeena nhi hai..

Toh Jaana..

Tum se mili,  toh jaana....

Kisi ki jindgi ho or mere liye keval naam ban gaye to tum
Kisi ka sapna ho or mere liye bas ahsaas ban gaye ho tum

Koi tumhi ko chahte hai raat din or mere liye beeti baat ban gaye ho tum
Tumne jisey chaha woh tumhe mil gaya or mere he naam se badnaam ho gaye ho tum

Tumhari duniya mein phoolon ka basera hai mere liye kyu kaatein bhar gaye ho tum
Tumhare khwaabo ko pankh mil gaye hai fir mere sapno ko taar-2 ker gaye ho tum

Tumhari kashti toh saahil per thi fir meri per he kyu duniya ka bhaar rakh gaye ho tum
Bana k apna fir bana k tanha aaj mere her armaano ka katal-e-aam ker gaye ho tum..... 

Dil Kabhi-Kabhi

 Yaar  kisi ko humse bhi pyaar ho jaaye

Koi aankhein kholtey he humein dekhna chahe
Meri her ruchi her takraar mei usey bas pyaar nazar aaye

Yaar kisi ko humse bhi pyaar ho jaaye

Kisi ki aankhein humse milne k liye bekraar ho jaaye
Kisi ki neendo ko mere sapno ka intezaar ho jaaye

Yaar kisi ko humse bhi pyaar ho jaaye

Meri naaraajgi per bhi jisey pyaar aa jaaye
Bin kahey mere woh meri her baat jaan jaaye

Yaar kisi ko humse bhi pyaar ho jaaye

Bheedh mei uski nigaahey mujhi ko dhundhna chahe
k utsav ho ya mela ho ki mujh bin tanhaayi ka shikaar woh ho jaaye

Yaar kisi ko humse bhi pyaar ho jaaye

Ho patjhad ka mausam ya saawan ki ghata chhaye
Bina soche he meri baatein usey her mausam mei tadpaaye

Yaar kisi ko humse bhi pyaar ho jaaye

Chahe khwaabo mei usey mera didaar ho jaaye
K sach usko paaker mera mann bhi milne kay liye bekrar ho jaaye

Yaar sach kabhi toh usko mujhse or mujhe ussey pyaar ho jaaye......

Khuli Aankhein

Band aankhon k sapne kitne haseen hote hai na
Khuli aankhon ki haqiquat se
Kitni dardnaak hoti hai kisi ki ruswaayi
Or usse bhi jyada dukhdaayi hoti hai kisi ki judaai

Band aankhon mei jab hum kisi k paas hote hai na
Woh pal kitne khaas hote hai
Uski woh madhosh si baatein
Jhuki palkon ka uthna, muskurana yaad aata hai

Khuli aankhon ki haqiqat se darr lagta hai
Khushnuma palo k chhutne se darr lagta hai
Darr lagta hai kisi k door jaane se
Kisi khaas k khud ko bhool jaane se darr lagta hai

Yeh jo chidiya geet gaati hai na
Sach yeh sirf ek hulchul machaati hai
Band aankhon mei yahi gaana pyaara tarana hota hai
Yeh saawan tumse milne ka bahana hota hai
Uski her baat per dil jhoom uth'ta hai
Or unhi baaton ka lamba fasana hota hai

Per khuli aankhon mei woh paas nhi hote
Unke saath bitaaye palo k ahsaas nhi hote
Or nhi hoti woh baatein-mulaquatein
Kyuki khuli aankhon mei sapno se meethe jazbaat nhi hotey............

Andhere Ki Kaali Chadar

Raat ki kaali chader
Sabko apne aagosh mei lapete kuch soch rhi hai

Kisi ko haseen sapne hazaar de du
Ya kisi ko bilakhti gumbhari raatein
Kisi ko bhookhe pait per vishraam de du
Ya kisi ko bharpait per bechain raatien

Raat ki kaali chader
Sabko apne aagosh mei lapete kuch soch rahi h

Kisi ne din mei kya-kya khoya, paaya
Ya kisi ki ujadti zindgi ki gahni raat de du
Kisi ko pyaar-manuhaar de du
Ya kisi ko bekarari ki raatien

Raat ki kaali chader
Sabko apne aagosh mei lapete kuch soch rahi hai

Kya subah ka ujala sab badal paaega isko
Gar nahi, toh rehne do raat ko yuhi
Kam se kam kuch :-
Khaamosh aadmi,
Bechain mann,
Gud-gudaate sapne,
Bhookhe pait zindgi,
Aasra paa rhe insaa
Or andhere ki kaali chader mei dubti raat, yahi kuch sochti-2 aagey badhti ja rahi hai....

Badalte Aashique

Ek kali madmaati, muskuraati si
K roz ek bhawra aaker us per baith jaaya kerta
Woh kali khush hoti itraati or apni sunderta per ithlaati thi

Bhawra roz aata or usey uski khoobsurti ka ahsaas karata
Woh khush hoti or khilti jaati
Bhawra yuhi aaya kerta wo kali ab kusum thi
Haan yovan se saji, wahi manbhaavni khushbu ki chadar mein dhali

Mausam badalte rahe k ghadiya badalti rahi
Dheere-2 bhawre ne aana chhod diya
Ab udaas kusum ne bhi muskurana chhod diya

Fir ek din band hoti uski pankhudiyon ne kuch dekha
Bhawra wahi tha, k phool naya tha
Waise he ithlaata, madmaata sa
Ab usey kuch ahsaas hua
Woh jo uska tha, uska kabhi hua he nahi

Bhawra toh yuhi badal-2 ker phoolon per mandrata raha
Yuhi mausam bhi badal-2 ker apne rang dikhlata raha
Ab karwat li us bhujhe mann k kusum ne
Jisne jaana apne AKS ko or pehchaana apne waqt ko

Usne bochaaro se dosti ker li
Apni pankhudiyon mein nayi rangeeniya bhar di
Ab toh kismat-e- titliya uski saheliya thi
Or dhokhebaaj bhawron se usne humesha kay liye tauba ker li thi....

Yaaro Sab Dua Karo

Meri aarzoo adhuri thi
Kuch tammanaye adhuri thi
Kuch ahsaas adhure the
K kuch jazbaat adhure the
Abhi zindgi adhuri hai

K koi pyaas adhuri hai
Ya koi saas adhuri hai
Mere merne ki dua karo yaaro
K jeene pe mere kisi ki koi khwaahish adhuri hai

Bana k humsafar akela chhod jaate hai
Anjaani raaho pe tanha chhod jaate hai
Na saathi ka pata mujhko,abhi manzil adhuri hai
Kaanta nikalta nhi k iski koi faas adhuri hai
K mere merne ki dua karo yaaro,is pe kisi ki koi aas adhuri hai

Na dafan karo humein zinda
Abhi saas adhuri hai
Dum ghut'ta nhi mera
Jeena iski majboori hai
Mere merne ki dua karo yaaro,k us jaalim ki koi kaash adhuri hai.....

Jhootha Humdum

Badi shhiddat se tumhe paane ki koshish ki thi humdum
Badi shhiddat se tumhe apna banane ki koshish ki thi humdum
Per jaane wo waqt kaisa tha ya kismat ka natija tha
K khaali they haath or reh gayi aankhein keval num

Roz dil ko jhoothey bharose diya kerti thi main
Roz khud ko he kosa kerti thi main
Jaane kyu apna kuch dhundti thi main tujhme
Jabki tumne toh apna kuch paaya he nai thi mujhme

K khulte-2 ek din kuch raaz aisa khul gaya
K jaise meri zindgi ka aaina he dhul gaya
Woh tukde aaine k they, ya mere dil k hazaar they
Jisse meri umeedein, mere sapne hue sar-e-bazaar they

Fir se kosa maine dil ko; kyu juda tha woh tumse bewajah
Tera pyaar toh pyaar he nhi tha bewafa
Maine kyu bana liya tha tumhe yuh humdum
Isliye ab raakh they mere sapne or aankhein thi num...

Kya Hai Zindgi??

Kya

Adhure sapno k purey hone ki pyaas hai zindgi
Sapne kuch purey hue,kuch toot gaye
Kuch purey hue,jo purey hue; unhe bhala yaad rakhta kon hai
Tootey sapno k purey hone per ek naayi he pyaas hai zindgi

Maanga tha kuch apna us ishwar se
Gar nhi dena tha to usey mera banaya he kyon tha
Or gar dena tha toh chheena he kyon tha
Kya inhi sawaalo ka ek mook jawaab hai zindgi?

Shaant dariya ki tarah behti hai zindgi
Kabhi takraati hai un paththro se,to
Toh tod kay sira aagey badhne lagti hai
Per behti hai or fir saahil tak aati hai
Kya keval ek bahaav hai zindgi?

Sapne kabhi apne nahi hote
Dariya bhi behta rehta hai
Saahil bhi apni satah nhi chhota
Bas reh jaatein hai; kuch adhurey sapney,ek naayi dhara
Jiske purey na honey ya saahil tak laut aane ka keval ek dhundla sa vishwaas hai zindgi.... 

Roz

Roz shama jalti, roz parwaana aata
Ek din shama ne jalna chhod diya

Humne pucha kya hua tujhe
Woh chup rehti
Kuch na kehti

Hum toh bhai samaaj hai na kisi ko chup thode he dekh sakte hai
Kisi ki shaanti thode he samajh sakte hai
Aakhir humne theka jo le liya
Her din khojbeen mein jut gaya

Fir ek din paaya

K shama k pighalte aansu kuch keh rahe hai
Woh bole dekho mere is roop ko
Roz fanaa hote parwaane ki is raakh ko
Jab pata chala mere parwaane mujhe is kadar chahte hai
Toh unki yaad mein maine bhi mon rehna seekh liya
Ab na jalti hun na jalati hun
Bas unko yaad ker sadma khaaye ghuli si jaati hun
Log mujhe begairat kehte hai,unhe kya pata
Apni kismat se ladd main unse sirf wafa he kamaati hun..

Yeh Pyaar

Yeh pyaar jab pyaar deta hai na kismat savaar deta hai
Jannat ka didaar deta hai
Zindgi ko ek naya khumaar deta hai
Her pal ki khushi or bin baat ki hansi deta hai
Naye-2 sapno or rangeeneiyo se bhari raat deta hai
Khuli aankhon mein sapne or chere ko nayi pehchaan deta h

Or jab yahi pyaar chhin jaaye toh sach mein
Quyamat-e-didaar deta hai
Zindgi dushwaar ker deta hai
Nam aankhon mein boondon ki bochaar deta hai
Kahi siskiyon se bhari raatein deta hai
Toh saavan mein gum-e-bahaar deta hai
Tanhaaiya or akelapan beshumaar deta hai

Sach yeh pyaar jab pyaar deta hai toh patjhad ko bahaar ker deta hai
Or gar chhin jaaye toh zindgi ko viraan ker deta hai.

Ruki Si Zindgi

Zindgi jaane kaise ruk si gayi hai

Jaise kisi dariya kay theraav si
Izzar kay liye lagi Muchhoo k daav si
Mochh khaaye paav si
Ya kay kisi chotil k khooni risaav si

Zindgi ruk si gayi hai

Kisi kay dil per lagey ghaav si
Sab per chhaye tanaav si
Ek tarfa pyaar k lagaav si
Ya kisi yugal kay algaav si

Zindgi ruk si gayi hai
Kyuki yahan her pal lagti hai; zindgi ki he baazi jaise koi daav si

Kuch Toh Hai

Dil ka aalam kuch bheega sa hai
Ya ka tammanaao ka pankh kuch geela sa hai
Udne ki bahut koshish ki hai aaj
Laghta hai mausam ka mizaaz bhi kuch dheela sa hai......

Tut-ta Vishwaas

Apne kangan ki khanak kho chuki hu mai
Apne chere ki damak kho chuki hu mai
Kuch jaan baaki thi in aankhon mein; aaj unki bhi chamak kho chuki hu mai

Ek dhundli si tasveer ban gayi hu mai
k ek maati ki murat ban gayi hu mai
Ab koi tod de ya baha de chahe;aaj apna aks kho chuki hu mai

Dil ko yuh chot dene ka haq diya tha maine
Apna sab kuch jisay saup diya tha maine
Jiski ek haami se meri duniya badal jaati;aaj us shaksh per vishwaas kho chuki hu mai

Door rehna; k tera choona ab jalaayega mujhko
Teri her ek bewfaayi ki yaad dilaaega mujhko
Nafrat ho gayi hai teri her baat se mujhko;k jis per hanss ker apna sarbasv kho chuki hu mai....

Bataao Kya Mila ??

Bataao kya mila mujhe yuh rulaker
Mere khawaabo ki yuh asthiya banaker
Bataao tumhe kya mila?

Mere tumhare beech to ek pagdandi sa rishta tha
Us gumnaam se pull ko is tarah hataker
Bataao tumhe kya mila?

Kuch garaztey se vichaaro ko yuh gad-gadaker
Aandhiyon se rishte ki naazuk dor ko tudwaaker
Bataao tumhe kya mila?

Mere jeevan ki kashti ko bhanwar mein fasaker
Meri tabaahi ko alfaaz-e-dua banaker
Bataao tumhe kya mila?

Mujhe yuh her pal sataker
Meri zindgi ko saza-e-gum dilaker
Aakhir tumhe kya mila?

Bataao kya mila??

Dhokha

Maine kya jaana tha yeh duniya dhokhey ki hogi

Main toh her bochaar ko baarish samajhti rahi
Or her khiley phool ko tumhare aane mausam jaanti rahi

Main toh her parindey kay pankhon per sapne sajaati rahi
Or waqt jaane kaise raet kay teelo per mera aashiya banata raha

Koi-koi dhoomil si tasveer teri yaad dilaati rahi
Or main her anjaan raah ko tere aane k liye sajaati rahi

Aankh khuli toh jaana tuney jhootha dhokha diya tha aane ka
Tera to faisla he tha mujhe taa-umra tanha chhod jaane ka

Tab wo parindo ki udaan,raet ka aashiya,dhoomil si tasveer
Or kyu main yuh her anjaan raahein sajaati rahi?

Teri her baat,her aadat ko kyu mai apni zindgi banati rahi
Or isi tarah yeh duniya kabhi mujh per hanss ker,kabhi rulaker mujhe satati rahi

Aakhir maine kya jaana tha kay yeh duniya dhokhey ki hogi....

Guzaarish

Ek guzaarish hai tumse; mujhe yuhi humesha apna maanoge na
Mera dil dooba sa rehta hai; jaane kin khayaalon mein khoya rehta hai

Her raat jab andhera hota hai; jaane kitni siskiyo ka basera hota hai
Mai tanha reh jaati hoon; tere khawaabon se savera hota hai

Mai jab akeli hoti hoon na; akeli nahi reh paati hoon
Tab teri her yaad; her baat ka basera hota hai na

Kaayi baar sochti hoon darr jaati hoon; tum mujhe chhod to na dogay na
Saath dogay her pal yuhi; mujhe humesha apna maanoge na.......

Sukhey Pattein

Kabhi hawaaon se puchna daastaan sukhey patton ki
Jo aaj halkey se jhonkon mein udd jaya kerte hai,

Kabhi paedon per hare-bhare ithlaaya kerte they khud per
Aaj ek halki si phoonk se bhi darr jaaya kerte hai,

Paed aaj bhi wahi hai;hawaaien waise he chala kerti hai
Bas farq itna hai log aaj bhi naayi koplon ko dekh khush ho
jaya kerte hai,

Per haan wo sach mein kuch bhool jaroor jaatey hai
Or raundh jaatey hai kisi k sapney;or paav key neechey
sukhe pattein..

Karwat-e-Zindgi

Zindgi kaise badalti hai yeh toh bas waqt-waqt ki baat hai,
Verna fizaao mein bhi phool wahi khila kerte hai jiska rakeeb saath hai,

Gar kamjor daal per khila toh jald toot gir jayega,
Nahi toh bina khila he woh kisi k baalo ka shringaar ban jayega,

Yeh toh naseeb he jaane na k,
Woh kisi ki shaadi ki shobha badhaaega ya kisi ki mayyat mein shariqe ho jayega,

khuda he jaane yeh zindgi;kaise-kaise karwatey leti hai,
Yeh toh waqt aane per he insa jaan payega.

Usne Pucha

Usne pucha kya mere bin jee paaoge,
maine kaha;tu ek baar jaane ki toh keh zaalim,
Fir laut humein na dekh paaoge,


Usne pucha kya mere liye falak k taaro se zyada chamak paaoge,
Toh dil keh utha;
k zindgi khatam ker du toh sabse zyada chamakte taaron mein humein he paaoge..

Mulaquaat

Gar zindgi mein mushkilaat na hoti,
Meri tumhari koi baat na hoti,
Or na hoti woh raatien-mulaquatien,
Toh sach mein ae gum-e-zindgi; aaj in aankhon se yuh barsaat na hoti.........

Naya Maksad

Tumse milker zindgi ko ek naya maksad mil gaya,

Tum bin zindgi kitni gumgeen thi bichari,
Tumse hue zindgi rangeen ab humari,


Tumne jo itney pyaar se humein dekha tha,
sach kahu itna toh humnein aaina bhi nahi dekha tha,
jo tumne humein baar-baar dekha tha,

Tum apni natkhat si aankhon se kuch kehte ja rhe the,
k hum jhukhaayi si nazro mein behte ja rhe the,

Abhi toh sharmaaye Nazrein uth bhi na paayi thi,
k teri boli ne needien meri udaayi thi,

Haal humara kaise aafreen ho gaya,
haaye; k dil kaise dhak se reh gaya,

Or zindgi ko ek naaya maksad mil gaya..

Mausam Ka Mizaaz

Bhor ka taara;bhor mei aata,
Raat ka her andhere mita-ta,

Maine bachpan mei suni thi yeh baatien,
Kaise andhera bhaag jaata hai suraj k aate,

Dukh bhi yuhi kaafoor ho jaata hai sukh k aate,
Her savera nayi roshni ki kiran laata hai,

Per bachpan ki yeh baatein;bachpan mei he vida ho gayi,
Or de gayi gum or tanhaai ki sisakti raatien,

Jaane ab kyu wo bhor ki sukhbhari kiran kyu nhi laata,
Jaane kyu jeevan ka yeh andhera kaafoor kyu nhi ho jaata,

Ab darti hu ujaale ki her kiran se:
or dubti raaton se,

Kabhi-kabhi mann k aakaash per badal bhi chha jaate hai,
Tarsi si nigaaho mei kuch sapne bun jaate hai,

Sochti hu ye badal jab chhatenge,
To shayad bachpan ki baatien sachhi ho jaaengi,

Per woh bhi chhatne per mere bheegey daaman ko or bhigo jaatein hai,
Or yaad dilaati hai bachpan ki wahi sab baatein,

K.... ek din sukh ka naya suraj niklega,
Or badalti hawaaion se mausam ka mizaaz bhi badal jaaega,

Shayad tab fir bhor ka taara aaega.

Tum Na Aana

Tum na aana k yeh dil ro dega,
Tum na aana k yeh dil ro dega,
Tumhare jaane per badi mushiklo se sambhala hai khud ko,
K her aahat per sochti thi tum aaye ho,
Per ab na aana k aahato ko sunna chhod diya hai maine,
Tanhaaiyo mei gumo ko peena seekh liya hai maine,
Jhoothi muskurahat dena seekh liya hai maine,
K ab tum na aana k tum bin jeena seekh liya hai maine;
Gumo ko peena seekh lia hai maine..........

Aaj Tum Aawaaj Na Do

Aaj tum aawaaj na do;mere mon ko koi saaz na do,

Meri band aankho ko band rehne do;k isme koi sapna behta hai,
Khol ker unhe koi naya aagaaz na do,

Maine basaaye hai ek nayi duniya tum bin,
Aaker usme apna koi naya raaz na do,

Mera mon sab dabaye hai,k meri aankhein sab chipaaye hai,
Jagaker ker unhe tum koi naya alfaaz na do..

Gar Duaaon Se Kaam Chalta Hota

Duaaon se bas chalta hota agar;to hum bhi chere per nayi chamak liye phira kerte,
Fir na hota yuh nakli muskurahat ka mukhota;or hum bhi haal-e-gum na piya kerte,

Maana khush hoker zindgi beetana;justjoo ho gayi hai jeeven ki,
Gar kaatein he paane the;toh hum khushiyo ki bagiya na seecha kerte;

Bujha dete in aankho ki roshni ko;k kuch or ab dekh nahi sakte,
Per kya?
Gar neend bhari aankho mei koi sapna aa jaaye toh use hum mita nahi sakte,

Duaao se kaam chalta hota agar;toh hum bhi chere per nayi chamak liye phira kerte..............

Tum He Kaho

Chhin gaya chidiyo ka aashiyana,
Bata isme kasoor aandhi ka hai;ya waqt-e-haalaat ka..............

Ajeeb Maquadder

Gar maquadder he zindgi hai to khushiyo ka koi andesha nhi hai
kyuki jab bhi humne kuch pana chaha to rab ne keh diya yeh tera nasib nahi hai

kyu naseebo ka yeh dakhal meri tabah-e-zindgi ban gaya hai
k ab khud ko pechaan lu woh aainya nahi reh gaya

log ise kismat ka dosh kehte hai to mai keh du meri to kismat he nahi hai
saza-e-gum paane k to hum gunahgaar bhi nahi hai

dosh dete hai maqudder ko k us per ab yankee humko nahi hai
or gar maquadder he zindgi hai to khushiyo ka andesha ab humko nahi hai.

Uljha Sa Mann

Tum mujhe yaad kerte ho na?

Tumhari uljhi-uljhi si kavitaao mei; parvato se nadiyo ka behna,
Roz raaton m taaro se baat kerna;mujhe samajh nhi aata,

Yeh dil toh bas itna puchna chahta hai,
Tum mujhe yaad toh kerte ho na?

Woh oas ki boondo ka patto se behna;phoolo per bhoro ka baithna,
Tanhaayi ki raaton mei hitchkiyon ka aana;mujhe samajh nhi aata,

Yeh dil toh bas itna puchna chahta,
Tum mujhe yaad toh kerte ho na?

Mere uljhe se mann mei kaayi sawaal aate hai,
Jo viraan raato mei mujhe satate hai;kuch samajh nhi aata,

K dil bas itna he puchna chahta hai,
Tum mujhe itna yaad kyu aate ho haan?????

khayal ya k gum hai koi

khayaalo k samander mei roj kitni machliya baha kerti hai;
unhe kya pata kab kis machuaare k jaal mei phas kon toot bikhar jayegi,

mera darwaja khula hai gumo k liye;khushiyo to bas khidkiyo se takra ker laut jaati hai
khush ho jata hai yeh dil jab meri aankho mei ashk dekh unki ankho mei bhi
muskaan tair jaati hai,

per tum na yuh ashk bahana k iska jimma toh bas mera hai,
taa umra khushiyo de woh tumko jisne likha tumhare liye koi
sapna sunehra hai,

manzil ka kuch nahi pata humko k dil bas itna jaanta hai
k meri her raah mei bas andhera hai,

mai shayad samander ki wo machli hu;
jiski her raah per bas machuaare ka pehra hai.